BO‘LAJAK BOSHLANG‘ICH SINF O‘QITUVCHILARIDA KOMMUNIKATIV MADANIYATNI RIVOJLANTIRISH TIZIMI

Аннотация

O‘qituvchi kasbiy faoliyatida muloqot madaniyatini shakllantirish muammosi kishilik jamiyatining ehtiyojlari va talablaridan kelib chiqqan holda hal qilinadi. Shu boisdan hozirgi davrda zamon talablaridan kelib chiqib, ta'lim mazmunini yanada boyitish, o‘quv jarayonini samarali tashkil etish, ta'lim muassasalarining moddiy-texnik holatini yaxshilash, mehnat qilayotgan o‘qituvchi va xodimlarni uslubiy qo‘llab-quvvatlash, ularning bilim, kasbiy va ma'naviy-axloqiy salohiyatini yuksaltirish muhim ahamiyatga ega.  Respublikamizda o‘qituvchilik kasbining o‘ziga xos etnopsixologik fazilatlari, hislatlari, qobiliyatlari ish uslublari, pedagogik mahorat sirlarini egallash yo‘llari, shaxslararo muloqot madaniyati yuzasidan turli davrlarda har xil ilmiy izlanishlar olib borilgan. Muloqot madaniyatining tarbiyalovchi imkoniyatlarini ro‘yobga chiqarish ko‘p jihatdan o‘qituvchining shaxsiy sifatlari bilan belgilanishini ta'kidlab o‘tish lozim.